2007年3月19日星期一

Elizabeth's Collar

細貓因為手指發炎連續去看了幾遍獸醫都還沒治好,
最近再去看的時候, 獸醫姐姐說有可能是真菌感染,
所以之前吃了抗生素只有好轉一點點, 卻不能治本
這次她便開了新的抗生素加真菌藥膏,
希望來個裡應外合一網打盡
但因為怕藥膏外塗會被細貓舔去,
被給了我們一個Elizabeth's Collar,
從此我家的細貓叔叔便間歇性的成為了
雍容華貴的伊莉沙伯皇后...哈哈哈...

基於那個collar對貓而言真的有一點重量,
細貓戴起來行動即時不方便起來,
不用說喝水吃飯, 就連跳上跳落來回散步都有困難,
所以我們只會在塗藥後的個多小時讓他戴著,
其餘時間都還他自由

不過話說回來, 細貓戴著那個collar的樣子真的有夠趣怪,
讓貓奴們不其然會想讓沒病的大貓也來試戴看看...哈哈哈....

當然, 我們好不容易才等到細貓開竅變得友善,
在這個關頭, 也會特別對他呵護愛惜安撫他無奈的心情,
不過見他被老公摸肚肚摸得爽翻天的樣子,
也真的太沒儀態了, 讓人忍不住要拍下來留念...哈哈哈....

2007年3月16日星期五

守得雲開見月明

不經不覺已經養左兩隻衰野足足十二年,
咁多年來細貓大爺都係怕怕醜醜咁,
船頭驚鬼船尾驚賊o既性格十年如一,
就算連成日朝見口晚見面o既貓奴,
佢都係唔會自願行近, 點都要保持一定距離
對陌生人就更加惡形惡相,
攪到爺爺 女麻女麻 對佢o既評語竟然係「有敵意」....

不過, 我同老公o既苦心經營終於有修成正果o既一日,
呢排唔知發生咩事, 細貓大爺突然開竅,
成日主動走黎向貓奴投懷送抱,
不單鍾意畀人摸, 仲要摸得兩摸就呼嚕呼嚕好鬼enjoy,
實在令貓奴們喜出望外

雖則要對足十幾年先肯完全信任貓奴就真係遲鈍左些少,
不過遲到好過無到啦,
希望貓貓健健康康活多十幾年,
好好享受下做家貓o既真正樂趣啦~~~~